Wellenreiter

N'abend, Wellenreiter, saach, wie jeht et dir
Höchstens ald en zweiter oder dritter, ävver miehstens nit ens Nummer vier
Läufs do pausenlos dä Trends wie 'ne Komparse hingerher
Echt, dat däät mich öden un zwar schwer

Wie e Wetterfähnche driehsde dich em Wind
Woher dä jraad weht ess die ejal, de Haupsaach ess, et ess der neuste Wind
Vun dir selvs blieht kaum jet övvrich, nur op dat wat anjesaat
Fährste aff, als bröötste jet en Schublad

Wat ess bloss passiert dat do su mutlos bess
Dat ding Power fott ess, dat do dich dermassen selver opjejovven häss
Ratlos römläufs wie 'ne Schatten, dä sich kleinmäht wie 'ne Zwerch
Der mir vüürkütt wie 'ne Ohss vürm Berch

Höhr ens, Wellenreiter, t'ess nit alles Driss
T'süht zwar baal su uss, doch et künnt sinn, - dat jenachdem - noch jet ze ändre ess
Nur, wie do jetz bess, pass do dänne ganz prima ent Konzept
Die dich su hann wollte - halt als Depp...